Yella yiwen zik-nni,
Qqaren-as Muḥ Afenyan.
Kra n ufayan akken-nni,
Ma d aglim-is d acebḥan.
Ulac acu yettmenni,
Ur t-ttḥazan iγeblan.
Efk-as kan učči d tguni,
Iğğa-yak kra yellan.
Win yufa ad as-yini:
”D nekk i d Muḥ Afenyan
Anda nḥerwaγ nekki-nni?
Aglim inu d acebḥan. ”
Medden ṛwan akeṛfi,
D aγrum-nni i ten-yenfan.
Xeddmen tettceṛcur tidi,
Qlilit widak yeṛwan.
Ad asen-d-yeqqim i tili,
I netta d acu i t-yehman?
Mi i yas-nnan : ”i kečči-nni ?
I kečč a Muḥ Afenyan? ”
Ad asen-yini: “Nekki-nni,
D nekk i d Muḥ Afenyan.
Ur teẓrim ara kunwi
Aglim inu d acebḥan? ”
Mi qqimen ad ččen imensi,
Ad yezwir Muḥ Afenyan.
Hatan γur-k am yesli,
Ger leḥbab akwd imawlan.
Mi i d-yers seksu d useqqi,
Ireffed, iggar ileqman.
Taṛbut ad tt-id-ineqqi,
Aεebbuḍ-is d ameqran.
Yeqqar-asen: “Nekki-nni,
D nekk i d Muḥ Afenyan.
Win yebγan ad iwali
Aglim inu d acebḥan. ”
Widak-nni dessen kan,
Ur t-ḥsiden ara maḍi.
Qqaren-as kan :” Muḥ Afenyan,
Akka i t-id-yefka Ṛebbi. ”
Ṛuḥ a zzman, uγal-ed a zzman,
Hatan useggwas n diri.
Ur d-fkin ara yigran,
Lluẓen medden irkelli.
Mi d-mlalen imeγban,
Kul wa d acu i d-yettawi.
Wa d aftat, wa d ajilban,
Ma d Muh yettas-d akken-nni.
Mi s-nnan: ”i kečči-nni?
I kečč a Muḥ Afenyan?
Acu i γ-d-tewwiḍ akkagi?
Tura iwzan kfan. ”
Yenna-yasen: ”Nekki-nni,
D nekk i d Muḥ Afenyan.
Tessnem-iyi nekki-nni,
Aglim inu d acebḥan ! …”
Ass-nni rfan dayenni,
Beṛṛa n wexxam i t-ğğan.
Γlin fell-as s iεewzan,
Armi i t-rran d aberkan.
Qqaren-as Muḥ Afenyan.
Kra n ufayan akken-nni,
Ma d aglim-is d acebḥan.
Ulac acu yettmenni,
Ur t-ttḥazan iγeblan.
Efk-as kan učči d tguni,
Iğğa-yak kra yellan.
Win yufa ad as-yini:
”D nekk i d Muḥ Afenyan
Anda nḥerwaγ nekki-nni?
Aglim inu d acebḥan. ”
Medden ṛwan akeṛfi,
D aγrum-nni i ten-yenfan.
Xeddmen tettceṛcur tidi,
Qlilit widak yeṛwan.
Ad asen-d-yeqqim i tili,
I netta d acu i t-yehman?
Mi i yas-nnan : ”i kečči-nni ?
I kečč a Muḥ Afenyan? ”
Ad asen-yini: “Nekki-nni,
D nekk i d Muḥ Afenyan.
Ur teẓrim ara kunwi
Aglim inu d acebḥan? ”
Mi qqimen ad ččen imensi,
Ad yezwir Muḥ Afenyan.
Hatan γur-k am yesli,
Ger leḥbab akwd imawlan.
Mi i d-yers seksu d useqqi,
Ireffed, iggar ileqman.
Taṛbut ad tt-id-ineqqi,
Aεebbuḍ-is d ameqran.
Yeqqar-asen: “Nekki-nni,
D nekk i d Muḥ Afenyan.
Win yebγan ad iwali
Aglim inu d acebḥan. ”
Widak-nni dessen kan,
Ur t-ḥsiden ara maḍi.
Qqaren-as kan :” Muḥ Afenyan,
Akka i t-id-yefka Ṛebbi. ”
Ṛuḥ a zzman, uγal-ed a zzman,
Hatan useggwas n diri.
Ur d-fkin ara yigran,
Lluẓen medden irkelli.
Mi d-mlalen imeγban,
Kul wa d acu i d-yettawi.
Wa d aftat, wa d ajilban,
Ma d Muh yettas-d akken-nni.
Mi s-nnan: ”i kečči-nni?
I kečč a Muḥ Afenyan?
Acu i γ-d-tewwiḍ akkagi?
Tura iwzan kfan. ”
Yenna-yasen: ”Nekki-nni,
D nekk i d Muḥ Afenyan.
Tessnem-iyi nekki-nni,
Aglim inu d acebḥan ! …”
Ass-nni rfan dayenni,
Beṛṛa n wexxam i t-ğğan.
Γlin fell-as s iεewzan,
Armi i t-rran d aberkan.