Tasaft n Uwaγezniw
Yiwen wass, iεuss-iten-id uwaγezniw, yesla-yasen amek i ttemsawalen. Azekka-nni, uqbel ad d-taweḍ teqcict, iṛuḥ γer tεecciwt, inna-yas : «Ttxil-ek ldi-yi-n tawwurt a baba inu ba… », maca netta taγect-is d tazurant, yukez-it-id umγar-nni dγa yenna-yas-id: «Rreẓ-iyi syin !». Amek ar a yexdem uwaγezniw ? Iṛuḥ γer yiwen useḥḥar; yenna-yas-id: «Ṛuḥ ečč tamemt, ḍleq di telmatt i yiṭij, anef i tburga n uweṭṭuf ad tettawi ad tettarra di taγect-ik alamma tuγal am tin n teqcict-nni. Mi ar a tṛuḥeḍ γer tεecciwt n umγar awi yid-ek snesla akken ad iγil d tizebgatin». Ixdem akken i yas-yenna useḥḥar-nni.
Azekka-nni kra n wakud uqbel ad d-taweḍ teqcict, iṛuḥ γer tεecciwt n umγar, yenna-yas : «Ttxil-k ldi-yi-n tawwurt a baba inu ba… ». Amγar ur d-iεqil ara taγect-is, yerra-yas-d: «Sčenčen tizebgatin-im a yelli Γriba ». Awaγezniw yeddem-ed snesla n wuzzal isčenčen-itt. Amγar yeldi-d tawwurt; ikcem uwaγezniw ičča-t. Yeqqim dinna yettṛağu taqcict-nni akken ad tt-yečč ula d nettat. D accu kan taqcict-nni mi i d-tewweḍ, twala idammen ffγen-ed ddaw tewwurt. Tessawel: «Ttxil-k ldi-yi-n tawwurt a baba inu ba ». Yerra-yas-id s taγect-is d taṛeqqaqt: «Sčenčen tizebgatin-im a yelli Γriba ». Terra iman-is tṛuḥ ad tekcem, maca mi tewweḍ γer tewwurt, tsekkweṛ-itt γer beṛṛa, terwel, tuzzel γer taddart tules-asen ayen yeḍran. Usan-ed wat taddart d tirni, wwin-d yid-sen tizedmin, zzin-as-tent i tεecciwt-nni, mekknen-as times, terγa tεecciwt-nni, yerγa uwaγezniw yid-s.
Yezri useggwas, temγi-d tasaft anda akken yerγa uwaγezniw, ssawalen-as tasaft n uwaγezniw. Tekfa tuggdi n uwaγezniw γef medden, d isem-is kan akwd tedyant-is i d-iggran.
Ṭawes Σemṛuc
Seg “Le Grain Magique”
Isteqsiyen
Fichier PDF : Isteqsiyen γef Uḍris
<!--[if !supportLists]--><!--[endif]-->Anda yettidir umγar-nni ?
<!--[if !supportLists]--> D accu i yas-tettawi teqcict-nni i Jeddi-s ?
Amek i tkeččem teqcict-nni γer tεecciwt n Jeddi-s
<!--[if !supportLists]--> Anwa i d-izṛa uwaγezniw-nni ? D accu i yas-d-inna ?
<!--[if !supportLists]--> 5) <!--[endif]-->Ayγer ur as-d-ildi ara umγar-nni tawwurt i uwaγezniw tikelt tamezwarut?
<!--[if !supportLists]--> 6) <!--[endif]-->Accu n txidest i d-yufa uwaγezniw akken ad yečč amγar
<!--[endif]-->Amek i taεqel teqcict belli mačči d Jeddi-s i yellan di tεecciwt-nni ?
<!--[if !supportLists]--> Amek i teḍra d uwaγezniw di tagara?
<!--[if !supportLists]--> D accu i d-yemγin deg umkan n tεecciw-nni ?
<!--[if !supportLists]-->Tekfa tuggdi n uwaγezniw γef medden neγ ala ?
Tizlitt
Fichier PDF: Tizlitt n Baba inu Ba
A Baba-inu Ba…
Ttxil-k ldi-yi-n tawwurt,
A baba-inu ba…
Sčenčen Tizegatin-im,
A yelli Γriba…
Uggadeγ lweḥc n lγaba,
A baba-inu ba…
Ugadeγ ula d nekkini,
A yelli Γriba.
Amγar yettel deg ubeṛnus,
Di Tesga la yezzizin,
Mmi-s yettḥebbiṛ i lqut,
Ussan deg uqerru-s ttezzin,
Tislit deffir uzeṭṭa
Tessalay tijebbadin,
Arrac zzin-ed i temγart,
La asen-tesγar tiqdimin
Adfel isudd tiwwura,
Tuggi kecmen-tt yiḥlulen,
Tajmaεt tettargu tafsut,
Aggur d yitran ḥejben.
Ma d aqejmuṛ n tasaft,
Idegger akkin idenyan,
Mlalen-ed akw at wexxam,
I tmacahutt ad slen.
Yiwen wass, iεuss-iten-id uwaγezniw, yesla-yasen amek i ttemsawalen. Azekka-nni, uqbel ad d-taweḍ teqcict, iṛuḥ γer tεecciwt, inna-yas : «Ttxil-ek ldi-yi-n tawwurt a baba inu ba… », maca netta taγect-is d tazurant, yukez-it-id umγar-nni dγa yenna-yas-id: «Rreẓ-iyi syin !». Amek ar a yexdem uwaγezniw ? Iṛuḥ γer yiwen useḥḥar; yenna-yas-id: «Ṛuḥ ečč tamemt, ḍleq di telmatt i yiṭij, anef i tburga n uweṭṭuf ad tettawi ad tettarra di taγect-ik alamma tuγal am tin n teqcict-nni. Mi ar a tṛuḥeḍ γer tεecciwt n umγar awi yid-ek snesla akken ad iγil d tizebgatin». Ixdem akken i yas-yenna useḥḥar-nni.
Azekka-nni kra n wakud uqbel ad d-taweḍ teqcict, iṛuḥ γer tεecciwt n umγar, yenna-yas : «Ttxil-k ldi-yi-n tawwurt a baba inu ba… ». Amγar ur d-iεqil ara taγect-is, yerra-yas-d: «Sčenčen tizebgatin-im a yelli Γriba ». Awaγezniw yeddem-ed snesla n wuzzal isčenčen-itt. Amγar yeldi-d tawwurt; ikcem uwaγezniw ičča-t. Yeqqim dinna yettṛağu taqcict-nni akken ad tt-yečč ula d nettat. D accu kan taqcict-nni mi i d-tewweḍ, twala idammen ffγen-ed ddaw tewwurt. Tessawel: «Ttxil-k ldi-yi-n tawwurt a baba inu ba ». Yerra-yas-id s taγect-is d taṛeqqaqt: «Sčenčen tizebgatin-im a yelli Γriba ». Terra iman-is tṛuḥ ad tekcem, maca mi tewweḍ γer tewwurt, tsekkweṛ-itt γer beṛṛa, terwel, tuzzel γer taddart tules-asen ayen yeḍran. Usan-ed wat taddart d tirni, wwin-d yid-sen tizedmin, zzin-as-tent i tεecciwt-nni, mekknen-as times, terγa tεecciwt-nni, yerγa uwaγezniw yid-s.
Yezri useggwas, temγi-d tasaft anda akken yerγa uwaγezniw, ssawalen-as tasaft n uwaγezniw. Tekfa tuggdi n uwaγezniw γef medden, d isem-is kan akwd tedyant-is i d-iggran.
Ṭawes Σemṛuc
Seg “Le Grain Magique”
Isteqsiyen
Fichier PDF : Isteqsiyen γef Uḍris
<!--[if !supportLists]--><!--[endif]-->Anda yettidir umγar-nni ?
<!--[if !supportLists]--> D accu i yas-tettawi teqcict-nni i Jeddi-s ?
Amek i tkeččem teqcict-nni γer tεecciwt n Jeddi-s
<!--[if !supportLists]--> Anwa i d-izṛa uwaγezniw-nni ? D accu i yas-d-inna ?
<!--[if !supportLists]--> 5) <!--[endif]-->Ayγer ur as-d-ildi ara umγar-nni tawwurt i uwaγezniw tikelt tamezwarut?
<!--[if !supportLists]--> 6) <!--[endif]-->Accu n txidest i d-yufa uwaγezniw akken ad yečč amγar
<!--[endif]-->Amek i taεqel teqcict belli mačči d Jeddi-s i yellan di tεecciwt-nni ?
<!--[if !supportLists]--> Amek i teḍra d uwaγezniw di tagara?
<!--[if !supportLists]--> D accu i d-yemγin deg umkan n tεecciw-nni ?
<!--[if !supportLists]-->Tekfa tuggdi n uwaγezniw γef medden neγ ala ?
Tizlitt
Fichier PDF: Tizlitt n Baba inu Ba
A Baba-inu Ba…
Ttxil-k ldi-yi-n tawwurt,
A baba-inu ba…
Sčenčen Tizegatin-im,
A yelli Γriba…
Uggadeγ lweḥc n lγaba,
A baba-inu ba…
Ugadeγ ula d nekkini,
A yelli Γriba.
Amγar yettel deg ubeṛnus,
Di Tesga la yezzizin,
Mmi-s yettḥebbiṛ i lqut,
Ussan deg uqerru-s ttezzin,
Tislit deffir uzeṭṭa
Tessalay tijebbadin,
Arrac zzin-ed i temγart,
La asen-tesγar tiqdimin
Adfel isudd tiwwura,
Tuggi kecmen-tt yiḥlulen,
Tajmaεt tettargu tafsut,
Aggur d yitran ḥejben.
Ma d aqejmuṛ n tasaft,
Idegger akkin idenyan,
Mlalen-ed akw at wexxam,
I tmacahutt ad slen.