Yiwen wass, zik-nni, asmi heddṛen lewḥuc, yeddukel inisi netta d wuccen. Ṛuḥen ad inigen si tmurt ɣer tayeḍ. Inisi d wuccen ihi dduklen akken, kecmen tamurt ffɣen tayeḍ, almi yezggen fell-asen wass, ssawḍen ɣer yiwen wemkan ad as-tiniḍ d sseḥṛa. Iṭij, aẓɣal, akw d fad.
Uccen, yuɣal s tidi am win iccucfen, kkawen icenfiren-is, ad d-yessufuɣ kan iles-is, (yerna, yuɣ-it lḥal, ṣṣbeḥ zik, « yefteṛ » s yiwet n taɣaṭ !…
Ma d inisi, yuɣ-itent kan ɣer daxel : ɛeggu, aẓɣal, fad, ma d itij ad as-tiniḍ d times!
Yenna-as wuccen: Atan wanda ɣ-d-yessaweḍ ṛṛay-ik, ay ucmit !.. D kečč i ɣ-d-isaadan syagi !
Inisi, meskin, yugad-it : yessusum kan, neɣ yeqqar-as :
_Annaɣ, a sidi, annaɣ, a sselṭan n lewḥuc, niɣ d kečč kan i yettḍebiren!
Inisi d wuccen kemlen abrid-nsen i fad, almi walan lbir, uzlen γur-s. Wwḍen ɣer din, muqlen ɣer lqaɛa-s llan deg-s waman. Uccen yeṣḍal aqerru-s deg yiri n lbir ɣer daxel. Tewwet-it-id rriḥa n teḥcict d waman isemmaḍen: yenna-yas: Ulac lǧennet n ddunit am taggi !
Tura, dagi i terwi : anwa deg-sen ar a yṣubben ad d-yawi aman ?
Myugaden i sin. Uccen, yugad ad iṣubb, ad t-yeǧǧ inisi di lqaɛ n lbir : yeẓra aṭas i s-yexdem n lbaṭel : lemmer ad as-yaf abrid, a t-yexdeɛ. Ma d inisi, ula d netta, tergagi tasa-s : ma yṣubb, yezra ad t-yeğğ dinna wuccen! Ihi, amek ?
Ihi, tefra ad yers inisi! Tfehmeḍ kan akken ar a tefru : ad yers a d-yawi aman, neɣ a t-yerr wuccen d iftaten. Yenna-yas inisi : a yul-iw, imi lmut ad mmteɣ, meqqar ar d-kkseɣ fad di lbir !
Lbir-nni ɣur-s taryact iɣer iɛelleq wemrar ; amrar-nni cuddent ɣer-s snat lḥilat, yiwet sya, tayeḍ sya : mi tettṣubbu yiwet, tayeḍ a d-tettali.
Yerkeb inisi, iṛuḥ. Lǧiha nniḍen yeṭṭef-itt-id wuccen, ad as-yettsariḥ cwiṭ cwiṭ…
Yaweḍ inisi d akwessar, yebda tissit : yeswa, yeswa, yeswa almi yeqber, tcuff tɛelliṭ-is, yerra-d s lexbar, yuɣal-d ɣer leɛqel-is. Akken dimi yeswa almi yeṛwa, yeččuṛ lḥila-nni d aman, iɛeggeḍ-as i wuccen :
_Jjbed !
Uccen, dayen i yettraǧu. Yejbed, yejbed deg wemrar, almi i d-yessaweḍ lḥila, yesmir-itt ɣef yedmaren-is… Tiqit, ur tt-id-yeǧǧi ara ; ma d tawant, yeṛwa.
Dɣa, ysell-as i yinisi la s-d-yettɛeggiḍ :
_Jjbed tura a n-aliɣ !
Yerra-yas wuccen, yenna-yas :
_Ad jebdeɣ ?… A nnger-ik, a tawaɣit-ik ! Qqim kan, kemmel ussan i k-d-yeqqimen dinna ! Ma d nek, aql-i ṛuḥeɣ : ma d arraw-ik, ad asen-ssiwḍeɣ lexbar-ik ! Qqim di lehna !
Yekker ad iṛuḥ wuccen, almi yesla i teḍṣa : « Ah ah ah ah ! »
Yesla-as i yinisi, di lqaɛ n lbir, yemmut si teḍṣa. Ibedd wuccen, yewhem. Yesḍall aqerru-s, yessiwel :
_Waaa ay Inisi ! D acu-t akka iɣef tettaḍṣaḍ ?…
Yerra-yas-d inisi :
_Ah ah ah ah ! d acu iɣef a ttaḍṣaɣ ? Wah… Fell-ak a la ttaḍṣaɣ, ay uccen i s-yeqqaren ḥeṛceɣ ! A ziɣ-nni, yif-ik weɣyul tiḥeṛci !…
Uccen sakin, mi t-icuba ɣer weɣyul, yeffeɣ-d wul-is : yenna-yas :
_Amek akka ? Amek i iyi-yif weɣyul ?
Yerra-yas-d inisi:
_Wah ! d ajeṛṛeb kan i bɣiɣ a k-jeṛṛbeɣ mi i k-n-nniɣ ssali-iyi-n ! Wah !… tebra tnisit-nni n-ǧǧiɣ di lɣaba, ur nuliɣ syagi a lukan ad iyi-tefkeḍ cci n ddunit irkel ! A win yif caca ! Aql-i ufiɣ-d dagi ala tid-nni yebγa wul ! Atta teččuṛ ddunit dagi ala d akraren, d tiɣeṭṭen, d iqelwacen, d tiyuẓaḍ, d iyuẓaḍ, d iwtal !
Lḥaṣun, ibder-as-ten-id akken d tirni, ala ayen iḥemmel wuccen !
Yuɣal almi d amcaḥ-nni icenfiren-is ; bdunt tuɣmas-is la ṭṭerḍiqent, allen-is ffɣent-d. Sakin, yerra-tt ɣer uḥellel :
_Annaɣ, ay inisi, annaɣ, a gma ttɛebbuṭ ! Mel-iyi amek ar a n-ṣubbeɣ… Annaɣ, ttxilek !
_Amek ara d-tṣubbeḍ ?.. tura ad ak-iniɣ tidet, a gma : lukan d albeɛḍ nniḍen, tili ur ak-ttɛemmideɣ ara : imi d keč, ay uccen, icrek-aɣ lxir, yerna waqila cerken-aɣ ula d idammen… Ihi, atan wakken ara txedmeḍ : eger iman-ik zdaxel n lḥila-nni yellan din i wsawen ; nek dagi a n-ččaṛeɣ Tayeḍ d aman, tserrḥeḍ-d i yiman-ik, alamma tewweḍeḍ-d…
Dadda-k inisi yeṭṭef ineggez ɣer daxel d tin akken i s-yenna a tt-in-ččaṛeɣ d aman, yeṭṭef deg wemrar, yurǧa.
Uccen yuɣ-as awal : yexdem akken t-id-iweṣṣa : yerkeb, yeḍleq i yiman-is, iṛuḥ… sakin a yettṣubbu, a yettṣubbu. inisi swadda a d-yettali !
Akken, akken… almi d talemmast n lbir mlalen : uccen iwala xali-k inisi a d-yettali, iteddu-d ɣer beṛṛa. Amrar a yettazzal. Iɛeggeḍ-as, yenna-yas :
_Annaɣ ! annaɣ ! amek akka nek la n-ttṣubbuɣ ɣur-k d akessar, kečč a tettaliḍ !
Akken qrib ad yaweḍ ɣer beṛṛa, yerr-as-d, yenna-yas :
D acu tebɣiḍ ay uccen, a gma ?
Akkagi i d ddunit :
Wa yettali, wa yettṣubbu !
Uccen, yuɣal s tidi am win iccucfen, kkawen icenfiren-is, ad d-yessufuɣ kan iles-is, (yerna, yuɣ-it lḥal, ṣṣbeḥ zik, « yefteṛ » s yiwet n taɣaṭ !…
Ma d inisi, yuɣ-itent kan ɣer daxel : ɛeggu, aẓɣal, fad, ma d itij ad as-tiniḍ d times!
Yenna-as wuccen: Atan wanda ɣ-d-yessaweḍ ṛṛay-ik, ay ucmit !.. D kečč i ɣ-d-isaadan syagi !
Inisi, meskin, yugad-it : yessusum kan, neɣ yeqqar-as :
_Annaɣ, a sidi, annaɣ, a sselṭan n lewḥuc, niɣ d kečč kan i yettḍebiren!
Inisi d wuccen kemlen abrid-nsen i fad, almi walan lbir, uzlen γur-s. Wwḍen ɣer din, muqlen ɣer lqaɛa-s llan deg-s waman. Uccen yeṣḍal aqerru-s deg yiri n lbir ɣer daxel. Tewwet-it-id rriḥa n teḥcict d waman isemmaḍen: yenna-yas: Ulac lǧennet n ddunit am taggi !
Tura, dagi i terwi : anwa deg-sen ar a yṣubben ad d-yawi aman ?
Myugaden i sin. Uccen, yugad ad iṣubb, ad t-yeǧǧ inisi di lqaɛ n lbir : yeẓra aṭas i s-yexdem n lbaṭel : lemmer ad as-yaf abrid, a t-yexdeɛ. Ma d inisi, ula d netta, tergagi tasa-s : ma yṣubb, yezra ad t-yeğğ dinna wuccen! Ihi, amek ?
Ihi, tefra ad yers inisi! Tfehmeḍ kan akken ar a tefru : ad yers a d-yawi aman, neɣ a t-yerr wuccen d iftaten. Yenna-yas inisi : a yul-iw, imi lmut ad mmteɣ, meqqar ar d-kkseɣ fad di lbir !
Lbir-nni ɣur-s taryact iɣer iɛelleq wemrar ; amrar-nni cuddent ɣer-s snat lḥilat, yiwet sya, tayeḍ sya : mi tettṣubbu yiwet, tayeḍ a d-tettali.
Yerkeb inisi, iṛuḥ. Lǧiha nniḍen yeṭṭef-itt-id wuccen, ad as-yettsariḥ cwiṭ cwiṭ…
Yaweḍ inisi d akwessar, yebda tissit : yeswa, yeswa, yeswa almi yeqber, tcuff tɛelliṭ-is, yerra-d s lexbar, yuɣal-d ɣer leɛqel-is. Akken dimi yeswa almi yeṛwa, yeččuṛ lḥila-nni d aman, iɛeggeḍ-as i wuccen :
_Jjbed !
Uccen, dayen i yettraǧu. Yejbed, yejbed deg wemrar, almi i d-yessaweḍ lḥila, yesmir-itt ɣef yedmaren-is… Tiqit, ur tt-id-yeǧǧi ara ; ma d tawant, yeṛwa.
Dɣa, ysell-as i yinisi la s-d-yettɛeggiḍ :
_Jjbed tura a n-aliɣ !
Yerra-yas wuccen, yenna-yas :
_Ad jebdeɣ ?… A nnger-ik, a tawaɣit-ik ! Qqim kan, kemmel ussan i k-d-yeqqimen dinna ! Ma d nek, aql-i ṛuḥeɣ : ma d arraw-ik, ad asen-ssiwḍeɣ lexbar-ik ! Qqim di lehna !
Yekker ad iṛuḥ wuccen, almi yesla i teḍṣa : « Ah ah ah ah ! »
Yesla-as i yinisi, di lqaɛ n lbir, yemmut si teḍṣa. Ibedd wuccen, yewhem. Yesḍall aqerru-s, yessiwel :
_Waaa ay Inisi ! D acu-t akka iɣef tettaḍṣaḍ ?…
Yerra-yas-d inisi :
_Ah ah ah ah ! d acu iɣef a ttaḍṣaɣ ? Wah… Fell-ak a la ttaḍṣaɣ, ay uccen i s-yeqqaren ḥeṛceɣ ! A ziɣ-nni, yif-ik weɣyul tiḥeṛci !…
Uccen sakin, mi t-icuba ɣer weɣyul, yeffeɣ-d wul-is : yenna-yas :
_Amek akka ? Amek i iyi-yif weɣyul ?
Yerra-yas-d inisi:
_Wah ! d ajeṛṛeb kan i bɣiɣ a k-jeṛṛbeɣ mi i k-n-nniɣ ssali-iyi-n ! Wah !… tebra tnisit-nni n-ǧǧiɣ di lɣaba, ur nuliɣ syagi a lukan ad iyi-tefkeḍ cci n ddunit irkel ! A win yif caca ! Aql-i ufiɣ-d dagi ala tid-nni yebγa wul ! Atta teččuṛ ddunit dagi ala d akraren, d tiɣeṭṭen, d iqelwacen, d tiyuẓaḍ, d iyuẓaḍ, d iwtal !
Lḥaṣun, ibder-as-ten-id akken d tirni, ala ayen iḥemmel wuccen !
Yuɣal almi d amcaḥ-nni icenfiren-is ; bdunt tuɣmas-is la ṭṭerḍiqent, allen-is ffɣent-d. Sakin, yerra-tt ɣer uḥellel :
_Annaɣ, ay inisi, annaɣ, a gma ttɛebbuṭ ! Mel-iyi amek ar a n-ṣubbeɣ… Annaɣ, ttxilek !
_Amek ara d-tṣubbeḍ ?.. tura ad ak-iniɣ tidet, a gma : lukan d albeɛḍ nniḍen, tili ur ak-ttɛemmideɣ ara : imi d keč, ay uccen, icrek-aɣ lxir, yerna waqila cerken-aɣ ula d idammen… Ihi, atan wakken ara txedmeḍ : eger iman-ik zdaxel n lḥila-nni yellan din i wsawen ; nek dagi a n-ččaṛeɣ Tayeḍ d aman, tserrḥeḍ-d i yiman-ik, alamma tewweḍeḍ-d…
Dadda-k inisi yeṭṭef ineggez ɣer daxel d tin akken i s-yenna a tt-in-ččaṛeɣ d aman, yeṭṭef deg wemrar, yurǧa.
Uccen yuɣ-as awal : yexdem akken t-id-iweṣṣa : yerkeb, yeḍleq i yiman-is, iṛuḥ… sakin a yettṣubbu, a yettṣubbu. inisi swadda a d-yettali !
Akken, akken… almi d talemmast n lbir mlalen : uccen iwala xali-k inisi a d-yettali, iteddu-d ɣer beṛṛa. Amrar a yettazzal. Iɛeggeḍ-as, yenna-yas :
_Annaɣ ! annaɣ ! amek akka nek la n-ttṣubbuɣ ɣur-k d akessar, kečč a tettaliḍ !
Akken qrib ad yaweḍ ɣer beṛṛa, yerr-as-d, yenna-yas :
D acu tebɣiḍ ay uccen, a gma ?
Akkagi i d ddunit :
Wa yettali, wa yettṣubbu !
